Matlèt sa a chita sou aktyalizasyon pwobabilite bayezyen apati similasyon done, li fèt pou 2 fonksyon evidansyèl diferan (binomyal ak jewometrik) ki gen yon distribisyon (beta) konpayèl o pa.

• Bouton radyo distribisyon done yo pèmèt itilizatè a chwazi ki distribisyon pwobabilite ki koresponn ak done yo. Sa vle di : ki tip fonksyon evidansyèl. Chak fonksyon evidansyèl gen pwòp glisyè li ki pèmèt itilizatè a fikse paramèt yo.
• Fenèt grafik anwo a montre fonksyon mas pwobabilite pou evidansyèl la.
• Glisyè a ak b yo sèvi pou itilizatè a fikse paramèt depi o pa distribisyon Beta(a,b) inisyal yo pou paramèt θ ki asosye ak fonksyon evidansyèl la. Deplasman glisyè yo pèmèt aplèt la chanje done yo ak tout graf yo. (Al gade bouton rederape anba a).
• Glisyè X la sèvi pou similasyon done. Chak fwa itilizatè a klike sou yon valè, matlèt la sèvi ak valè sa a kòm done nan yon eseyaj epi li tou aktyalize distribisyon o pa a ak yon distribisyon twokay pou θ. Nouvo twokay lan parèt an ble anba glisyè X la epi ansyen twokay lan pral tounen nouvo distribisyon o pa a.
• Fenèt grafik anba a montre nou yon latriye graf distribisyon twokay. Distribisyon twokay aktyèl la parèt an ble pal epi (distribisyon) o pa aktyèl la ap parèt an vèt. Distribisyon twokay/o pa ki te fèk la anvan yo parèt nan yon ble ki pi fonse.
• Bouton Rederape a netwaye graf anba a epi li refikse distribisyon o pa a nan eta orijinal li selon valè glisyè a a ak valè glisyè b a.
• Afichèt valè [x] ak [y] yo bay pozisyon souri a lè li anndan nenpòt fenèt graf.

© 2014 J. Shen, J. Orloff, J.-M Claus, J. Bloom, ak H.Miller