Koyefisyan Fourier : Konplèks avèk Son

Koyefisyan c_n nan yon seri Fourier konplèks

f(t) = ... + c_-2 e^{-4 i π ν t} + c_-1 e^{-2 i π ν t} + c₀ + c₁e ^{2 i π ν t} + c₂ e^{4 i π ν t} + ....

Nou ka chwazi koyefisyan cn yo pou seri Fourier konplèks la apati fenèt ki anba yo. Fenèt ki nan kwen dwat anba yo kenbe valè |c_n| avèk valè Arg(c_n) ansanm avèk dyaman jòn yo anplis ba vètikal yo. Dyaman an avèk ba vètikal ki mache avèk valè n nou chwazi yo ap parèt an gri. Lè nou klike sou nenpòt nan fenèt anba yo sou bò dwat la, sa ap pèmèt aplèt la defini yon valè pou n , epi yon valè pou |c_n| oubyen Arg(c_n). Nou ka kontwole valè sa yo avèk glisyè ki sou bò gòch yo tou.

Fenèt ki anba sou bò gòch la kenbe valè c_n ki nan plan konplèks la, epi tou nou ka klike sou fenèt sa a oubyen trennen kisè a sou li pou nou chanje valè c_n yo.

Glisyè ki anba sou bò dwat la pèmèt nou bay paramèt φ a valè. Fenèt pou graf ki nan tèt ekran an afiche graf pou fonksyon Re(e^{-i φ} f(t)). Kon sa si φ = 0 , aplèt la ap afiche pati reyèl f(t) a, yon lòt bò si φ = π / 2, se pati imajinè f(t) a aplèt la ap afiche. Liy vètikal wouj yo nan fenèt sa a gen 2 pwen ki make pozisyon kote t = -L avèk kote t = +L , epi tou kote L = 1 / (2ν), kon sa 2L reprezante peryòd la. Lè nou woule kisè a, sa lakòz aplèt la jenere yon retikil avèk yon afichaj kote nou ka li valè t ansanm ak valè x.

Nan tèt ekran an, kle [f(t) reyèl] la pèmèt aplèt la mete restriksyon sou valè koyefisyan yo dekwa pou f(t) ka pran valè yon nonb reyèl. Lè nou chwazi [f(t) reyèl], aplèt la reyajiste valè c_-n nan pou li vin egal konjige konplèks c_n nan.

Glisyè anwo nèt la pèmèt nou ajiste valè frekans v a an kilohertz.

Anlè nèt sou bò dwat, kle [Re-demare] a pèmèt nou remete valè tout koyefisyan yo sou zewo.

Kle [Jwe]/[Poze] a pèmèt aplèt la aktive oswa kanpe son an. Frekans son an se [v] kilohertz.

Se pou nou asire nou volim wopalè a ba lè nou chwazi [Jwe]. Epi tou fòk nou veye si osiyasyon sinis yo p ap pote plis enèji pase jan son yo ap sòti a. Epi tou si nou rete lontan ak yon kas ekout nan tèt nou, sa ka andomaje zòrèy nou.